အပြုံးပန်းခင်း: September 2011

ကွန်ပျူတာတက္ကသိုလ်(မုံရွာ) မှာဖြတ်သန်းခဲ့ရတဲ့ နေ့တွေတုန်းကပေါ့ အမေ။
အမေပေးလိုက်တဲ့ငွေလေးနည်းနည်းကို လက်ထဲမှာ ကျစ်ကျစ်ပါအောင် ဆုပ်ရင်း ကျောင်းတော်ကြီးရဲ့ ရင်ခွင်ကိုခိုမိခဲ့တာပေါ့။
ဖောက်ပြန်နေတဲ့ ရာသီဥတုဒဏ်တွေ ကြားက ချို့ငဲ့စွာ ဖြတ်သန်းခဲ့ရတဲ့ ဒီမိသားစုထဲမှာ ပညာတတ်ဆိုတာ တကယ်ခပ်ရှားရှားပဲအမေ။
အမေ့ရဲ့ ယုံကြည်ချက်၊ အမေ့ရဲ့ မျှော်လင့်ချက် အလင်းတန်းတွေကြောင့် အမေ့သားလေ တက္ကသိုလ်ကျောင်းသားကြီးအဖြစ် ရှင်သန်ခွင့်ရခဲ့လေရဲ့။
မပြည့်စုံတဲ့ကြားက တိုးထွက်ခွင့်ရတဲ့ ပန်းလေးတစ်ပွင့်မို့ မလှပနိုင်တာ ဆန်းတော့မဆန်းဘူးပေါ့နော်အမေ။
သူများတကာကတော့ ပြောကြပါရဲ့။ တက္ကသိုလ် ကျောင်းသားဘ၀ဆိုတာ လွတ်လပ်ပျော်ရွှင်စရာအကောင်းဆုံးအချိန်တဲ့။
ကျွန်တော့်အတွက်ကတော့ အမေမျှော်လင့်ထားတဲ့ ပညာတတ်ဖြစ်ဖို့အတွက် အပြင်းအထန်နပန်းလုံးနေခဲ့ရတယ်။
တစ်ခါတစ်ခါတော့လည်း သူများတွေပျော်သလိုပျော်ချင်တာပေါ့ အမေရယ်။ ၀တ်ကောင်းစားလှတွေနဲ့ လန်းနေတဲ့ ပန်းကလေးတွေမြင်ရင်
အားကျမိပါတယ်။ ဒါပေမယ့် အ၀တ်အစား လေးငါးခြောက်စုံလောက်ကို လှည့်ပတ်ဝတ်ရင်း ၊ ရှိုးဝါး ဖိနပ်အပြာလေးနဲ့ ကချင်လွယ်အိတ်အနီလေး
လွယ်ထားတဲ့ ကျွန်တော်ဟာ ဆိုင်ကယ်တွေ ရှုပ်ယှက်ခတ်နေတဲ့ကျောင်းလမ်းကြီးရဲ့ဘေးမှာ ခေါင်းကော့ ရင်မော့ပြီး မလျှောက်ရဲခဲ့ဘူး။
ဒါတွေအပြစ်ပြောမလားအမေ။ အမေ သည်းသည်းလှုပ်ချစ်တဲ့ ကျွန်တော်ဟာ တက္ကသိုလ်ဝန်းကျင်မှာ မလင်းလက်နိုင်တဲ့ ကြယ်လေးလိုပါပဲ။
ကိုယ်ရောင်ကိုယ်ဝါမတောက်ပနိုင်တဲ့သူမို့ လိပ်ပြာလှလှလေး မဖြစ်ခဲ့ဘူးအမေ။ ဒါတွေကိုအမေသိအောင် မပြောပြနိုင်ခဲ့တာကို နားလည်ပေးပါအမေ။
အမေကပြောခဲ့သေးတယ်။ တက္ကသိုလ်တက်တယ်ဆိုတာ ဘွဲ့ရဖို့ထက် အပေါင်းအသင်းဝင်ဆံ့ဖို့ တဲ့။ အမေအပြစ်တင်ရင်လည်း ခံရမှာပေါ့။
ဘ၀တူ သူငယ်ချင်း သုံးလေးယောက်ကလွဲရင် ကျွန်တော့်မှာ အပေါင်းအသင်း ၀င်မဆံ့နိုင်ခဲ့ဘူးအမေ။ ငွေကိုရေလိုသုံးနိုင်တဲ့ သူတွေကြားမှာ
ကျွန်တော်ဘယ်လောက်မျက်နှာငယ်ခဲ့ရတယ်ဆိုတာ အမေသိခဲ့ရင် ချစ်သားလေးအတွက် အမေရင်နာနေမှာ။ တစ်ပါးသူအကြိုက်လိုက်နေနိုင်ဖို့ဆိုတာလည်း
အတော်ခဲယဉ်းတယ်အမေ။စကားပုံတောင်ရှိသေးတာပဲ။ အပေါင်းအသင်းကပေါတယ်၊ သူငယ်ချင်းကောင်းကရှားတယ် တဲ့။ကျွန်တော့်အပေါ်တကယ်နားလည်နိုင်တဲ့
သူငယ်ချင်းကောင်းက ရှားပါတယ်။ ကျွန်တော်တက္ကသိုလ်ပထမနှစ်ကပေါ့။ မျက်စိသူငယ်၊ နားသူငယ် နဲ့မယောင်မလည်ရောက်လာခဲ့ရတဲ့ ကျွန်တော့်ရဲ့ဘေးမှာ
ငယ်ငယ်က ဆော့ဖော်ဆော့ဖက၊်ကစားဖော်ကစားဖက် တွေလည်း မပါဘူးပေါ့။
မြင်မြင်သမျှ အစိမ်းသက်သက်တွေကြားမှာ ကျွန်တော်ဟာ မျက်နှာမွဲမို့ သိပ်ပြီးအဖက်လုပ်မခံခဲ့ရဘူးအမေရယ်။
မိဘရင်ခွင်နဲ့ ဝေးခဲ့ရတဲ့သူအချင်းချင်း ဖေးမကူညီချင်စိတ် မရှိတဲ့ သူတို့ကို အဲဒီတုန်းက အတော်အံ့သြဖူးတယ်။ ဒါပေမယ့်
အစစ အရာရာကို ကျွန်တော်သည်းခံနိုင်အောင်ကြိုးစားခဲ့ရပါတယ်။ မိဘအရိပ်မှာ နေတုန်းက ကိုယ့်အပေါ်အလိုလိုက်တဲ့
ညီအစ်ကိုမောင်နှမတွေအပေါ်မှာ ဆိုးနွဲ့ ဗိုလ်ကျမိခဲ့တာတွေ နောင်တရရင်းပေါ့အမေရယ်။
ပိုပြီး ၀မ်းနည်းစရာကောင်းတာက ကျွန်တော် Third Year ဘွဲ့ယူတဲ့နေ့က ပေါ့။
အဲဒီနေ့က ကျွန်တော့်ဘေးမှာ အဖေနဲ့အမေ့ရဲ့လက်ကိုဆွဲရင်း ဘွဲ့နှင်းသဘင်ခန်းမထဲကိုဝင်ချင်တာပေါ့။
ဒါပေမယ့် အကြောင်းအမျိုးမျိုးကြောင့် အမေတို့ မလာနိုင်ခဲ့ကြဘူးလေ။
အဆောင်မှာ နေရတဲ့ တချို့သူငယ်ချင်းတွေဆီကို သူတို့ရဲ့ မိဘမောင်ဘွားညီအစ်ကိုမောင်နှမတွေလာကြတယ်။
သူတို့တွေဟာ အလွမ်းတွေသယ်လို့၊ရယ်လို့မောလို့။ ဆူညံဝေစည်နေတဲ့ သူတို့ရဲ့ အပျော်တွေဟာ
ကျွန်တော့်ဆီလည်း ကူးစက်လို့...။ သိပ်ချစ်ကြတာပါလား၊ သိပ်ကိုနွေးထွေးကြတာပါလား... လို့ ကျွန်တော်တောင် ပီတိဖြစ်လာတယ်။ အဲဒီအချိန်မှာ ဘေးနားမှာရပ်နေတဲ့
ကျွန်တော့်ကို အဆောင်မှူးက ရုတ်တရက်လာမေးတယ်။ " သားမိဘတွေရော မလာကြဘူးလား" တဲ့။
ကျွန်တော့် ရင်ဘတ်ထဲမှာ အလုံးကြီးတက်ဆို့လာလို့ ချက်ချင်းမဖြေနိုင်ခဲ့ဘူးအမေ။နည်းနည်းကြာမှ....
"ကျွန်တော့်မိဘတွေ မအားလို့ မလာနိုင်တာပါ။နောက်နှစ်တော့လာမှပါ " လို့ ပြန်ဖြေမိခဲ့တယ်။ ကျွန်တော်သိပါတယ် အမေရယ်။ ဒါပေမယ့်
ကိုယ့်ဘ၀ကိုယ်ဝမ်းနည်းလွန်းလို့ အခန်းတံခါးပိတ်ပြီး ကျေကွဲခဲ့ရတာ အမေစိတ်မကောင်းဖြစ်မှာစိုးလို့မပြောဖြစ်ခဲ့ပါဘူးအမေရယ်။
အခုတော့ ကျွန်တော်နားလည်လာပြီ အမေ။ ဘ၀ဆိုတာ
ပန်းခင်းလမ်းမဟုတ်လေတော့ အခက်အခဲဆိုတာ အနည်းနဲ့ အများတော့ ကြုံရမှာပဲ ဆိုတာကိုပေါ့။
ရာသီအလီလီပြောင်းလေသမျှ အမိတက္ကသိုလ်ရင်ခွင်ထဲမှာ လက်တွေ့ကျတဲ့ အတွေ့အကြုံတွေနဲ့ တည်ငြိမ်ရင့်ကျက်လာခဲ့တယ်အမေ။
အမှားအမှန်၊အကောင်းအဆိုးကို ခွဲခြားလက်ခံနိုင်တဲ့ အရည်အချင်းတစ်ခုနဲ့ ကျွန်တော် လူပီသလာခဲ့ပြီ။
ဒါတွေဟာ အမေ့ရဲ့ကျေးဇူးကြောင့်ပေါ့။ အခုဆို အမေဖြစ်စေချင်၊ ရောက်စေချင်တဲ့ ပန်းတိုင်ကို ကျွန်တော်လှမ်းကိုင်နိုင်ခဲ့ပြီအမေ။
ဒါပေမယ့် အမေ့ရဲ့သားမှာ နောက်ထပ် ပန်းတိုင်တွေကရှိသေးတယ် အမေ။
အမေ့ရဲ့ကျေးဇူးကို ပညာတတ်တစ်ယောက်အနေနဲ့ ဆပ်နိုင်ဖို့ အဝေးကနေကျွန်တော်ကြိုးစားရဦးမယ်အမေ။
ဘာပဲဖြစ်ဖြစ် တစ်နေ့နေ့ ရောက်ခဲ့ရင် မိသားစု တာဝန်ကို ပခုံးလွှဲယူနိုင်ဖို့
အမေ ချပေးခဲ့တဲ့ လမ်းပြမြေပုံလေးပေါ်မှာ ကျွန်တော်လျှောက်လှမ်းနေတယ်ဆိုတဲ့အကြောင်း အမေသိစေချင်လို့
ဒီစာလေးနဲ့ အမေ့ကို သတိတရ ကန်တော့လိုက်ပါရစေအမေ။

ငါလွမ်းနေတာ
တကယ်မှ ဟုတ်ရဲ့လားလို့
နင့်မျက်ဝန်းနဲ့ တိုက်ကြည့်တဲ့အခါ
နင်က နင့်လွမ်းခန်းကိုတောင်
အပြုံးမပျက် ဖုန်းပြောလျက်
...ကြည့်နိုင်သူ။
နင်ဘာမှ မခံစားရတာကိုကြည့်ပြီး
ငါ............ခံစားလိုက်ရတာ။
အလွမ်းကတောင်ပြောသေးတယ်
သူငါ့ကိုမကြည့်ရက်တော့ဘူးတဲ့။
ဇာတ်လမ်းတစ်ပုဒ် ပြီးပြီဆိုတာနဲ့
နင်ကပြုံးပြ...နှုတ်ဆက်.....ထွက်ခွာ
ငါ့.......တစ်ဘ၀လုံးစာခက်ခဲ့တဲ့ကိစ္စ
နင့်ကျတော့ လွယ်လိုက်တာ.......
ဘုရင်မလေး (ပင်ယံထက်က သဇင်ပန်းလေးရေ)
ငါ..............
နင့်ကို........
တစ်ကယ်...
ချစ်မိခဲ့တာပါ။

အပြုံးပန်းခင်း

Sunday, September 25, 2011

အမေ့သို့ ရင်ဖွင့်စာ

Thursday, September 22, 2011

Wednesday, September 21, 2011

နေနိုင်လွန်းသူ

လွမ်းနေတဲ့သူ