ခွင့်မလွှတ်နဲ့ကောင်မလေး....

    မှားမှန်းသိသိနဲ့ ငါဟာမှားခဲ့တာပါ။ အမှားအတွက်နဲ့ နောင်တရမယ်ဆိုတာ ငါသိပြီးသားပါ။ ငါ့ကြောင့်....
ကောင်မလေးခံစားရတယ် မဟုတ်လား။ သိတယ်၊ စာနာတယ်၊ နားလည်ပါတယ် ကောင်မလေးရေ။
တကယ်တော့ ဘ၀မှာ ငါဟာအမှားကို မိုက်မဲစွာကျူးလွန်ခဲ့မှန်း ရင်နာစွာနဲ့သိလိုက်ရတယ်။ ငါ့သမိုင်းရိုင်းခဲ့တယ်။
ငါ့ကံကြမ္မာကို ငါဖန်တီးခြင်းပါ။
    စာနာပါတယ် ကောင်မလေးရေ....
    ငါ့ကြောင့် ကောင်မလေးခံစားနေရတယ်။ မျက်ရည်တွေကျရတယ်။ပူဆွေးခဲ့ရတယ်။
သိက္ခာတွေ ပေးဆပ်ခဲ့ရတယ်။ အရှက်တရားတွေ ရခဲ့တယ်။ အချစ်နာခဲ့ရတယ်။ ခွင့်မလွှတ်ပါနဲ့ နော်...
ငါဆိုတဲ့ကောင့် ခွင့်လွှတ်လိုက်ဖို့ မကြိုးစားပါနဲ့ ကောင်မလေးရေ....။

xxxx
    အတိတ်ကိုပြန်တွေးကြည့်တော့လဲ လွမ်းပါရဲ့....။ဒီလိုပြောလိုက်လို့  ရယ်ချင်ရယ်လိုက်ပါ။
ဟိုအရင်တစ်ချိန်ချိန်ကပေါ့.....။ပေးဆပ်သူနဲ့ ရယူသူတို့ရဲ့ တုန့်ပြန်မေတ္တာ။နှလုံးသားတွေ လှခဲ့ကြတယ်။ ရင်ခုံသံတွေလှခဲ့တယ်။
အပြုံးတွေကလဲ ချိုမြခဲ့တယ်။စကားလုံးတွေလဲ အသံလွင့်ခဲ့တယ်။ အသံသာသာ ကျေးငှက်သံတွေကြားနေရတယ်။
နားထဲမှာ ချိုမြစီးဆင်းလှပခြင်းတွေလေ.....။
    ကာရန်ညီတဲ့ ကဗျာတစ်ပုဒ်ဟာ ခံစာချက်စိတ်အလျဉ်နဲ့ လှပလို့နေတယ်။မြို့လေးရဲ့ အိပ်ရာဘေးကနေ
စီးဆင်သွားတဲ့ မြစ်ငယ်လေးရဲ့ ရေစီးသံတွေက ကြည်လင်အေးမြမှုကိုပေးလေရဲ့။ ကောင်းကင်ကြီးကိုမော့ကြည့်လိုက်တော့
လမင်းသာနေတယ်။ နံဘေးမှာ ကြယ်စင်တွေကခစားလို့ ပန်းချီရှုံးလောက်တဲ့ အလှဆုံးမြင်ကွင်းလေးတွေပေါ့။
    ကောင်မလေးနဲ့ပတ်သက်ပြီး ကဗျာလှလှလေးတွေရေးဖွဲ့တယ်။ ကောင်းမလေးဖတ်ဖို့....။
စကားပြေ နွဲ့နွဲ့လေးတွေ ရသမြောက်နေတယ်။ အိပ်မက်တွေသော်မှ လတ်ဆတ်လို့ ခဏခဏ မက်နေတယ်။
    ရှေ့မှာ အတားအဆီးရှိရင်လဲရင်ဆိုင်မယ်တဲ့။ စိတ်ကူးယဉ်မဟုတ်တဲ့ ခိုင်မာတဲ့ သတ္တိတွေနဲ့ပေါ့ ကောင်မလေးရေ...။
    ခရီးလမ်းမှာ တကယ်လည်း အခက်အခဲဆိုတာ မရှိခဲ့ဘူးနော်။ ကောင်မလေးက ရင်ဖွင့်တယ်။ ချစ်တယ်။ လှသော၊
မရိုးမသားစကားစု။ရှက်ဖွယ်နီးမြန်းသွားတဲ့ မျက်နှာလေးတစ်ခုကိုတွေ့ရတယ်။ ရှက်ရွံ့ခြင်းမှာ လျှို့ဝှက်ချက်တွေရှိနေတယ်။
    ဒီအချိန်တုန်းကတော့ ရင်ထဲမှာ ကောင်မလေးကစိုးမိုးနေတယ်။ နှလုံးသားထဲမှာ ကောင်မလေး။ မျက်ဝန်းထဲမှာ
ကောင်မလေး။ အပြုံးမှာလည်း ကောင်မလေး။ ငါ့အိပ်မက်ထဲမှာလည်း .....။ အားလုံးထဲမှာ ကောင်မလေး။
    ကောင်မလေးက ပျော်ခဲ့တယ်။ အနာဂါတ် စိတ်ကူးတွေ လှနေလိုက်တာ ကောင်းမလေးရေ။ အပျော်အပြုံးတွေ
ပေါင်းကူးယှက်နွယ်လို့ နံနက်ခင်းတိုင်းဟာ ကြည်နူးဖွယ် အလှပန်းချီကားတစ်ချပ်ပေါ့။

xxxx
   
    ကောင်မလေးရယ်....
    မင်းဟာ ငါ့ထက်ငယ်တယ်ဆိုပေမယ့် ငါ့ထက်အများကြီးရင့်ကျပ်ကြပ်တယ်။ ငါ့ထက်ပိုပြီး စဉ်းစားတတ်တယ်။
အဲဒီအကြောင်းအရာတွေကြောင့် တစ်နေ့နေ့မှာ ငါ့လွင့်သွားရတော့မယ်ဆိုတာ ကြိုတင်သိလိုက်ရတယ်။ ဒါပေမယ့်.....
ငါဆိုတဲ့ ခပ်နုံ့နုံ့ ကောင်တစ်ယောက်က ရှုံးနိမ့်မှုဆိုတဲ့ အရာထဲမှာ ကျင့်သားကျနေပြီးသားပါကွယ်။

   

xxxx
   
    တစ်နေ့.....
    အဲဒီတစ်နေ့ကပေါ့။
    ငါတို့နှစ်ယောက် အချစ်တွေ ပုပ်သိုးခဲ့တာ။
    အဲဒီနေ့ကပေါ့၊ ငါ့အိပ်မက်တွေ ဆိတ်သုဉ်းခဲ့တာ။
    ပြီးတော့ အိမ်ပြန်ချိန် လမ်းပျောက်ခဲ့ရတာ။
    ကောင်မလေးရေ.....
    မင်းမှန်ပါတယ်။
    မင်းဘ၀အတွက်၊ မင်းအတ္တအတွက်၊ လူတွေရဲ့ ဝေဖန်တဲ့စကားလုံးတွေ အတွက်
    ဒီလို ဆုံးဖြတ်သင့်ပါတယ်လေ....။
    ဒါပေမယ့်....ငါ့ရဲ့ မပြည့်စုံမှု၊ အားနည်းမှုတွေများတဲ့အတွက် ငါ့အတ္တနဲ့နှလုံးသားကို စတေးခံလိုက်ရတာ
    ငါ့မျှော်လင့်ချက်တချို့ကို ငါသနားမိပါတယ်။
    ကောင်မလေးက ငိုတယ်။ မျက်ရည်ကျတယ်။
    ကောင်မလေးငါ့ကို အမုန်းကြီးမုန်းသွားပြီ။
    နားကြည်းသွားပြီ။

    ခွင့်မလွှတ်နဲ့ ကောင်မလေး။ ငါမှားခဲ့တယ်။
    ဒီဘ၀တင်မက နောင်ဘ၀အထိ ကောင်မလေး ငါ့ကိုမုန်းတီးနေတယ်။
    နာကြည်းနေမယ်ဆိုတာ နားလည်ပါတယ်။
    ခွင့်မလွှတ်နဲ့နော်....။

    ကောင်မလေးရေ....
    တစ်ခုတည်းပါပဲ.....
    သတိရရင်လဲ သတိရလိုက်ပါ။
    မေ့ချင်ရင်လဲ မေ့ထားလိုက်ပါ။
    ဒါပေမယ့်....နံနက်ခင်းလေးတွေကိုတော့ ပြုံးပြနှုတ်ဆက်လိုက်ပါနော်။
    ငါကတော့ မြို့ပြရဲ့နေ့ရက်တွေထဲမှာ   
    မင်းပျိုးခဲ့တဲ့ ပန်းခင်းတွေကို ပြန်ရုပ်သိမ်းရဦးမယ်။



xxxx

ချစ်သူကိုမြတ်နိုးရုံနဲ့
အရာရာကို လက်ဖြန့်မိုး စောင့်ရှောက်ချင်ခဲ့တဲ့သူ...
ခု...ခြွင်းချက်နဲ့ လက်နက်ချလိုက်ပါတယ်။
တေလေဘ၀ရဲ့
ပထမဆုရ အမှားတွေကို
လွယ်အိတ်ထဲ ထည့်ပြီး
ရာဇ၀င်ထဲမှာ ခရီးဆက်ဦးမယ်...
သူငယ်ချင်းတွေနဲ့ နေရင်း
စကားတွေပြောရင်း...
သီချင်းတွေဆိုရင်း...
...နင်...ငါ့ကို...
တစ်နေ့နေ့ကျရင်
မေ့သွားမှာပါ။...။