လောကဓံနှင့် လမ်းလျှောက်ထွက်ခြင်း

ပေတစ်ရာလမ်းဘေးတစ်လျှောက်က တမာပင်အိုကြီးတွေကိုငေးမောရင်း ကျွန်တော်တစ်ယောက်တည်းလမ်းလျှောက်ခဲ့တယ်။
သစ်ရွက်ခြောက်တွေနင်းမိလို့ တစ်ဖြောက်ဖြောက်မြည်တဲ့အခါတိုင်း ဘာကိုဝမ်းနည်းမိမှန်းလဲမသိဘူး။
စိုးစိတ်ကနှိုးဆွလို့ သတိမကပ်တဲ့သစ်ရွက်ခြောက်တွေကြွေတဲ့အချိန်မှာ ဥသြလေးကတေးဆိုနေတယ်။
သူဆိုတဲ့တေးသံနားဆင်လို့ ရှေ့ဆက်လျှောက်ရင်းအမှောင်လမ်းမထက်မှာ ကြယ်တွေလဲလင်းလက်လာခဲ့ပြီပေါ့။
ကျွန်တော်ဆိုးခဲ့ပါတယ်။ကံတွေလဲဆိုးခဲ့ပါတယ်။မှားခဲ့သမျှ အရာရာကို ပြန်တွေးမိတိုင်း နောင်တတွေလဲရခဲ့ပါတယ်။
ခရီးလမ်းတိုင်းမဖြောင့်ဖြူးခဲ့လို့ စိတ်ဓာတ်တွေလဲကျခဲ့ဖူးပါတယ်။
ခရီးလမ်းမှန်သမျှဟာ အစမှာတော့ကြမ်းတမ်းတာ အမှန်ပဲ။
ခရီးတိုလေးတွေသွားရင်း မိုင်ပေါင်းများစွာရှည်လျားတဲ့ ခရီးကြမ်းကြီးတွေဆီကို ဦးတည်လာရင်းနဲ့
တစ်ခါတစ်ခါ လမ်းပျောက်သွားတယ်။တစ်ခါတစ်ခါ လမ်းတစ်ဝက်လောက်ရောက်မှ လမ်းမှားနေမှန်းသိတော့တယ်။
တကယ်တော့ ခရီးဆိုတာ ကြမ်းချင်ကြမ်း ပန်းချင်ပန်းပါစေ။ပန်းတိုင်ရောက်ဖို့သာ အဓိကပါ။
ကိုယ်လိုချင်တဲ့ပန်းတိုင်ရောက်သွားတော့ ကိုယ့်ပန်းတိုင်မှာ ဘာတွေရှိလဲလို့ကျွန်တော်စမ်းစစ်ကြည့်မိတယ်။
အော်ပန်းတိုင်ရောက်ပြန်တော့လဲ ဘာမှမရှိသေးပါလားဆိုတဲ့ အသိကလွဲရင် ကျွန်တော်ဘာမှမရလိုက်ပါဘူး။
သေချာတာကတော့ ပန်းတိုင်ဆိုတာ တစ်တိုင်ပြီးရင် တစ်တိုင်ရှိနေဦးမှာပါ။
အရေးကြီးတာက ရပ်တန့်မနေဖို့ပဲလို့ ကိုယ့်ကိုယ်ကို အားတင်းလိုက်တယ်။
အချိန်တွေပြောင်းလို့ ရာသီစက်ဝန်းကြားမှာ လောကဓံရဲ့ အထုအဆစ်ကိုခံရင်းနဲ့ နှလုံးသားမှာ ဒဏ်ရာတွေရ၊
အထိနာတဲ့ ဒဏ်ချက်တွေနဲ့ ပတ်ဝန်းကျင်ရဲ့ ဆုံးမမှုတွေကိုလဲခံရသေးတယ်။
ဘေးစကား၊အတင်းစကားတွေဘေးချိတ်လို့ ကိုယ့်လမ်းကိုယ်လျှောက်နေပေမယ့်လဲ သူတို့အပြော၊သူတို့မနောမှာ
ကျွန်တော်ဟာ တံတွေးခွက်ထဲပက်လက်မျောခဲ့ရတယ်။ထားလိုက်ပါလေ မုန်တိုင်းဘယ်လောက်ကြမ်းကြမ်း
မုန်တိုင်းပြီးတော့ လေပြေလာစမြဲပါ။ကျွန်တော်စောင့်နေခဲ့တယ်။ဘယ်အချိန်ကျမှ လေပြေလေညင်းလေးတွေနဲ့ ထိတွေ့ရမလဲဆိုတာ။
သိပ်ပြီးအဖိုးတန်တဲ့အချိန်တွေမှာ တန်ဖိုးရှိတဲ့အပြောတွေ၊တန်ဖိုးရှိတဲ့ စကားတွေနဲ့ ကိုယ့်တန်ဖိုးကိုယ်မြှင့်ဖို့ကြိုးစားရမယ်။
ဒါပေမယ့် ကျွန်တော့်ရဲ့ဘ၀မှာ ကျွန်တော်နေတတ်သလို ကျွန်တော်နေပျော်သလိုနေနေရင်းနဲ့ ကိုယ့်ကိုယ့်ကိုဖြေသိမ့်ခဲ့ပါတယ်။
အမှားရှိရင်ခွင့်လွှတ်ဖို့ တောင်းပန်ရမယ်။
အမှန်သိရင် နားလည်ဖို့ကြိုးစားရမယ်။
လောကဓံနဲ့အတူတူကျွန်တော်ရှေ့ဆက်ဦးမယ်။....။