ကဗျာရေးသူ

မြစ်တွေကစီးဆင်းတယ်
သစ်ပင်တွေက စိမ်းလန်းတယ်
ကြယ်လေးတွေက လင်းလက်တယ်
ကျွန်တော်က ကဗျာရေးပါတယ်။

အလံကတလူလူလွင့်တယ်
ဆည်းလည်းက တလွင်လွင်မြည်တယ်
ှနှင်းမှုန်က တဖွဲဖွဲကျတယ်
ကျွန်တော်က ကဗျာရေးပါတယ်။

ဥသြလေးက တေးသီတယ်
ဓူဝံကြယ်က လမ်းပြတယ်
လမင်းကြီးက သာနေတယ်
ကျွန်တော်က ကဗျာရေးပါတယ်။

တချို့က ရုပ်ရှင်မင်းသားလုပ်တယ်
တချို့က သမ္မတလုပ်တယ်
တချို့က ဘီယာသောက်တယ်
ကျွန်တော်က ကဗျာရေးပါတယ်။

တချို့က မြေကြီးပေါ်မှာ ရုန်းကန်တယ်
တချို့က အာကာသထဲမှာ လမ်းလျှောက်ကြတယ်
တချို့က ပင်လယ်ပြင်မှာ ဓါးပြတိုက်တယ်
ကျွန်တော်က ကဗျာရေးပါတယ်။

ဘ၀ရဲ့ ခက်ခဲကြမ်းတမ်းမှု
ဘ၀ရဲ့ ခမ်းနားလွတ်မြောက်မှုတွေနဲ့
ကျွန်တော်က ကဗျာရေးပါတယ်။

ဘာနဲ့မှ မလဲနိုင်တဲ့ ကြည်နှုးမှု
ဘာနဲ့မှ မလဲနိုင်တဲ့ နာကျင်မှု
ဘာနဲ့မှ မလဲနိုင်တဲ့ ခံစားမှု
ဘာနဲ့မှ မလဲနိုင်တဲ့ ပျော်ရွှင်မှု
ဘာနဲ့မှ မလဲနိုင်တဲ့ ရိုးသားမှု
ဘာနဲ့မှ မလဲနိုင်တဲ့ ကြေကွဲမှု
ဘာနဲ့မှ မလဲနိုင်တဲ့ ပြင်းပြမှုတွေနဲ့
ကျွန်တော်က ကဗျာရေးပါတယ်။

ကောင်းကင်မှာ လမင်းသာသလို
မြေပြင်မှာ စမ်းရေစီးသလို
ကောက်ဆန်စပါးနဲ့
ကျောက်သံပတ္တမြားတွေ ဖြစ်ထွန်းသလို
ကျွန်တော်က ကဗျာရေးပါတယ်။

နောက်တစ်ခါ ထပ်မေးရင်
ရှည်ရှည်ဝေးဝေး ပြောင်ချင်မှ ပြောဖြစ်မှာပါ။
ကျွန်တော်က ကဗျာတွေရေးပါတယ်။ ။